વીર સંવત ૨૫૫૦, પોષ સુદ ૯ થી પોષ વદ ૧, શુક્રવાર, ૧૯ જાન્યુઆરી થી શુક્રવાર, ર૬ જાન્યુઆરી, ૨૦૨૪
અધ્યાત્મતીર્થ હૈ સુવર્ણપુરી, જહાઁ બરસે જ્ઞાન ધનેરા...
પંચકલ્યાણક
પંચકલ્યાણક
પંચકલ્યાણક પ્રતિષ્ઠા મહોત્સવના ભવ્યાતિભવ્ય કાર્યક્રમોનો અહેવાલ
મુમુક્ષુઓ ચાતક પક્ષીની જેમ જે જમ્બૂદ્વીપ શાશ્વત જિનાયતન અને ધ્યાનસ્થ બાહુબલી મુનીન્દ્ર પ્રતિષ્ઠાની છેલ્લા બે દાયકાથી પ્રતીક્ષા કરતા હતા અને છેલ્લા કેટલાય વર્ષોથી જેની તડામારમાં તૈયારીઓ કરતા હતા તે પ્રસંગ હવે આવી ગયો છે.
પોષ સુદ ૭, બુધવાર, તા. ૧૭-૦૧-૨૦૨૪ના મુમુક્ષુઓનો આનંદ સમાતો ન હતો કારણકે આજે તો પ્રભુના પંચકલ્યાણક પ્રતિષ્ઠા મહોત્સવની નાંદીવિધાન આદિ કળશ ઘટપૂરણ વિધિ અને ધ્વજદંડ શુદ્ધિવિધિ કરવાની હતી. આ વિધિમાં (૧) નાંદીવિધાન આદિ ૩ કળશ, (૨) જિનેન્દ્ર ભગવાનની વેદી ઉપર બિરાજમાન કરવાના ૧૩૪ કળશ, (૩) પંચ પરમેષ્ઠી વિધાનના ૪ કળશ તથા (૪) યાગ મંડળના ૪ કળશની ઘટપૂરણ વિધિ સવારે જિનેન્દ્ર અભિષેક, પૂજન પછી પ્રતિષ્ઠાચાર્યજીઓ દ્વારા સાનંદ સંપન્ન થઈ.
પછી પૂજ્ય ગુરુદેવશ્રીના પ્રવચન બાદ નાંદીવિધાન કળશ લઈ વાજતે-ગાજતે ભક્તિ કરતા મુમુક્ષુઓ પૂજ્ય બહેનશ્રીના નિવાસસ્થાને ગયા અને પૂજ્ય ભગવતીમાતાના ચિત્રપટ સમક્ષ કળશ બિરાજમાન કર્યો. આ પ્રસંગે મુમુક્ષુઓએ ધન્યતા અનુભવી અને પૂજ્ય ગુરુદેવશ્રી તથા પૂજ્ય ભગવતી માતાની પરોક્ષ હાજરીનો અનુભવ કર્યો. આ આદર સન્માન બાદ નાંદીવિધાન કળશ ભગવાનના માતા-પિતાના ઘરે બિરાજમાન કરવામાં આવ્યો. આ પ્રસંગનો લાભ ભગવાનના માતા-પિતા, સૌધર્મ-શચિ આદિ સર્વ ઇન્દ્ર-ઇન્દ્રાણી, અષ્ટકુમારી દેવી, બ્રહ્મચારી બહેનો અને દેવ-દેવીઓને આપવામાં આવ્યો હતો. (અનુસંધાન: આત્મધર્મ અંક ફેબ્રુઆરી ૨૦૨૪)
પોષ સુદ ૮, ગુરુવાર, તા. ૧૮-૦૧-૨૪ના રોજ શાંતિજાપ સંકલ્પ, પ્રતિષ્ઠા વેદી, મંડપ તથા ભૂમિશુદ્ધિની વિધિ થઈ હતી. સમસ્ત જીવો વીતરાગ – શાંતિને પ્રાપ્ત કરે તે ભાવનાથી પ્રતિષ્ઠાચાર્યજીઓ શાંતિજાપના સંકલ્પ લેતા હોય છે. આ સંકલ્પની પૂર્તિ માટે સર્વ ઇન્દ્રો, રાજાઓ, દેવો તથા ૮૦ જેટલા ભાઈઓએ શાંતિજાપનો સંકલ્પ લીધો. આ વિધિ દરમ્યાન મંત્રથી પ્રાસુક કરેલા જળથી પ્રતિષ્ઠાની વેદી, મંડપ અને ભૂમિની શુદ્ધિ કરવામાં આવી. હવે પ્રતિષ્ઠા મંડપ એક વિશાળ જિનમંદિર તરીકે અયોધ્યા નગરીમાં શોભી રહ્યો હતો.
૧૯મી જાન્યુઆરી, ૨૦૨૪
- ૫૦૦૦ મુમુક્ષુઓ ઉપસ્થિતિમાં વિધિઅધ્યક્ષ ભગવાન તથા નાંદીવિધાન કળશની રથયાત્રા સાથે પ્રતિષ્ઠાનો શુભારંભ
- જિનશાસનની વીતરાગ ધર્મધ્વજા-આરોહણ
- પ્રતિષ્ઠાના મંગલાચરણ “अध्यात्मतीर्थ है सुवर्णपुरी…”ની ભવ્ય પ્રસ્તુતિ
- પ્રતિષ્ઠા મંડપનું ઉદ્ઘાટન
- જિનવાણી સંવર્ધન કેન્દ્રનું ગૌરવપૂર્ણ ઉદ્ઘાટન
- પંચકલ્યાણક પ્રતિષ્ઠા મહોત્સવના પાત્રો (ઇન્દ્ર- ઇન્દ્રાણી, રાજા-રાણી, અષ્ટદેવીઓ, ૫૬ કુમારીકાઓ, દેવ-દેવીઓ આદિ)ની સ્થાપના
- ૪૦૦૦ સાધર્મી સાથે ભવ્ય ઇન્દ્ર શોભાયાત્રાનું આયોજન
- પૂજ્ય બહેનશ્રી ચંપાબેનની સાધના પર આધારિત “સર્વગુણાંશ તે સમકિત” નાટકની રજૂઆત
૨૦મી જાન્યુઆરી, ૨૦૨૪
- લગભગ ૨૦૦૦ વર્ષ પ્રાચીન સંસ્કૃત યાગમંડળ વિધાનની પ્રથમવાર 3D એનિમેશન વિડીયો સાથે પ્રસ્તુતિ
- LIFE કલાપ્રદર્શનીનું ભવ્ય ઉદ્ઘાટન
- ૫૦૦૦ સાધર્મી સાથે ઘટપૂરણવિધિ તથા વેદીશુદ્ધિની શોભાયાત્રાનું આયોજન
- સૌધર્મ ઇન્દ્રસભા, નાભિરાય રાજસભા તથા ૫૬ કુમારિકાઓનું ભક્તિ નૃત્યનું આયોજન
- તીર્થંકરના ગર્ભાવતરણ સૂચક માતાના સોળ સ્વપ્નનું આકર્ષક પ્રદર્શન
૨૧મી જાન્યુઆરી, ૨૦૨૪
- “આનંદ ભયો…” નામની ભક્તિના આધારે ૧૬ સ્વપ્ન ફળ પ્રદર્શન
- કેન્દ્રીય વાણિજ્ય અને ઉદ્યોગ મંત્રી શ્રી પિયુષભાઈ ગોયલની પધરામણી
- ગુજરાતના માનનીય મુખ્યપ્રધાન શ્રી ભુપેન્દ્રભાઈ પટેલની પધરામણી
- બાળકો દ્વારા જમ્બૂદ્વીપ રચનાની નૃત્ય નાટિકા “અકૃત્રિમ ચૈત્યાલયસ્ય વંદનમ”ની પ્રસ્તુતિ
- પૂજ્ય ગુરુદેવશ્રીના ઇતિહાસ પર “હું સોનગઢ” નાટકની પ્રસ્તુતિ
૨૨મી જાન્યુઆરી, ૨૦૨૪
- ૧૫ ફૂટના ત્રિમુખી ઐરાવત હાથી પર સૌધર્મ ઇન્દ્ર તથા શચિ ઇન્દ્રાણીની ભવ્ય શોભાયાત્રા
- બાળ તીર્થંકર સાથે શચિ ઇન્દ્રાણીનું ભાવવાહી નૃત્ય
- ૧૦૦૦૦ થનગનતા ભક્તો સાથે જન્માભિષેક શોભાયાત્રા
- ૪૦ ફૂટ ઊંચા સુવર્ણમય સુમેરુ પર્વત ઉપર ૪૫૦૦ મુમુક્ષુઓ દ્વારા બાળ તીર્થંકરનો જન્માભિષેક
- સૌધર્મ ઇન્દ્ર દ્વારા અવિસ્મરણીય 3D એનિમેશન દ્રશ્યો સાથે તાંડવ નૃત્ય
- ૧૦૦૦૦ ભાવવિભોર મુમુક્ષુઓ દ્વારા બાળ તીર્થંકરનું પારણાઝૂલન
૨૩મી જાન્યુઆરી, ૨૦૨૪
- રાજા ઋષભદેવની રાજસભામાં 2D એનિમેશન દ્વારા અસિ-મસિ-કૃષિનું જ્ઞાન, ભરત-બાહુબલી અને બ્રાહ્મી-સુંદરી સંવાદ
- 3D એનિમેશન સાથે નીલાંજના દેવીનું નૃત્ય, રાજા ઋષભદેવને પૂર્વના નવ ભવનું વૈરાગ્યપૂર્ણ સ્મરણ અને લૌકાંતિક દેવ આગમન
- ૮૦૦૦ વૈરાગ્યવંત મુમુક્ષુઓ સાથે રાજા ઋષભદેવની દીક્ષાયાત્રા
- રાજા ઋષભદેવ દ્વારા દીક્ષાગ્રહણ અને ઋષભદેવ મુનિરાજ મૌન સાધના
- કેન્દ્રીય ગૃહમંત્રી માનનીય શ્રી અમિતભાઈ શાહ, કેન્દ્રીય આરોગ્ય અને પરિવાર કલ્યાણ મંત્રી તથા રસાયણ અને ખાતર મંત્રી ડોક્ટર મનસુખભાઈ માંડવીયા તેમજ આપણા ગુજરાતના ગૃહપ્રધાન શ્રી હર્ષભાઈ સંઘવીની પધરામણી
- સોનગઢના કહાન શિશુ વિહાર બાળકો દ્વારા વૈરાગ્યપૂર્ણ બાર ભાવનાની પ્રસ્તુતિ
- “આદિપુરાણ” નામના પૌરાણિક નાટકની રજૂઆત
૨૪મી જાન્યુઆરી, ૨૦૨૪
- રાજા સોમપ્રભ તથા શ્રેયાંસકુમાર દ્વારા ઋષભદેવ મુનિરાજને પ્રથમ આહારદાનનું દ્રશ્ય તથા નવધા ભક્તિની 3D એનિમેશન વિડીયો દ્વારા પ્રસ્તુતિ
- ૩૫૦૦ સાધર્મીઓને લાભ સહિત આહારદાન સંપન્ન
- મુનિરાજ ઋષભદેવને ક્ષપકશ્રેણી આરોહણપૂર્વક કેવળજ્ઞાનની પ્રાપ્તિ, સમવસરણ રચના
- ૨૮ કમિટીનાં ૧૦૦૦થી અધિક કાર્યકર્તાઓનો અંતરમનથી આભાર પ્રદર્શન
- “તત્ ક્ષણ યોગ્યતા” નામના નાટકની રજૂઆત
૨૫મી જાન્યુઆરી, ૨૦૨૪
- 2D એનિમેશન દ્વારા ભરત ચક્રવર્તી, યુવરાજ અર્કકીર્તિ, સેનાપતિ અને મંત્રીને આવેલા ભગવાન ઋષભદેવના નિર્વાણના સૂચક સ્વપ્ન પ્રદર્શન
- ભગવાનનો યોગ નિરોધ અને નિર્વાણ
- સૌધર્મ ઇન્દ્ર દ્વારા કૈલાશ પર્વત પર સ્વસ્તિક ચિન્હ અંકિત કરતું ખૂબ સુંદર ક્રોમાશૂટ તથા 3D એનિમેશનનું દૃશ્ય
- વીતરાગતાની ભાવના ભાવતા ૪૦૦૦ મુમુક્ષુઓ દ્વારા પ્રતિષ્ઠિત ભગવંતોની ભવ્ય રથયાત્રા
- વિધિઅધ્યક્ષ ભગવાન શોભાયાત્રાપૂર્વક મૂળસ્થાને બિરાજમાન
- ૧૪૦ ભગવંતોની મંગળ પાવન પ્રતિષ્ઠા
૨૬મી જાન્યુઆરી, ૨૦૨૪
- શ્રી બાહુબલી મુનીન્દ્રનો મહામસ્તકાભિષેક
- જમ્બૂદ્વીપ આદિમાં પ્રતિષ્ઠિત ભગવંતોનો અભિષેક
- શ્રી બાહુબલી મુનીન્દ્રનું તથા જમ્બૂદ્વીપ આદિમાં પ્રતિષ્ઠિત ભગવંતોનું પૂજન
